Мастацкі музей Брэста

Філіял «Мастацкі музей» заснаваны ў 2000 годзе, адкрыты для наведвальнікаў у 2002 У Паўднёвай казарме Брэсцкай крэпасці.

Агульная экспазіцыйная плошча (10 залаў) — 1110 м², выставачная (2 залы) - 140 м2. Экспазіцыя храналагічна ахоплівае ўвесь перыяд існавання Брэсцкай абласной арганізацыі Беларускага саюза мастакоў і дазваляе прасачыць многія напрамкі развіцця выяўленчага мастацтва Брэстчыны 2-й паловы ХХ — пачатку ХХІ стагоддзя. Адкрываюць экспазіцыю работы Брэсцкай мастачкі Анастасіі Фяцісавай з цыкла «Таямніцы старога горада» з відамі Бярэсця і макет горада Брэста ХVІІ–ХVІІІ стагоддзяў. У 2-й зале прадстаўлены работы беларускіх мастакоў на тэму Вялікай Айчыннай вайны. Тры залы прысвечаны жывапісу і скульптуры, знаёмяць наведвальніка з творамі выбітных мастакоў Брэстчыны — ліку П. А. Данелія, І. Я. Фяцісава, Э. С. Куфко, І. Д. Рудчыка, М. А. Аўчыннікава, М. К. Канькова. Экспазіцыю наступных двух залаў складаюць творы графікі. Сярод іх працы М. Дз. Чураба, Л. Б. Алімава, М. М. Селяшчука, А. А. Алонцава. Асобны раздзел прысвечаны дэкаратыўна — прыкладному мастацтву, сярод экспанатаў-габелены А. Ф. Гуршчанковай, Дз. М. Выморкавай, працы мастака-ювеліра М. П. Кузьміча, кераміка В. І. Логвіна, П. А. Рабава, мастацкае шкло М. Б. Князевай. У музеі прадстаўлены народныя мастацкія промыслы: ткацтва і вышыўка, ганчарства, салома - і лозапляценне, роспіс па дрэве і шкле, мастацкая апрацоўка дрэва.

За час працы музея ў яго выставачных залах арганізавана больш за 100 выстаў мастакоў, скульптараў, майстроў дэкаратыўна-прыкладнога мастацтва і народных майстроў. Традыцыйнымі формамі работы музея сталі творчыя сустрэчы з мастакамі і народнымі майстрамі, майстар-класы, музейныя ўрокі, выступленні творчых калектываў, а таксама выязныя музеі ў навучальныя ўстановы горада і вобласці.